កម្មវិធីបរិស្ថានរបស់អង្គការសហប្រជាជាតិ (UNEP) សេវាព្រៃឈើកូរ៉េ (KFS) និង Bridge for Billions បានចូលរួមសហការគ្នាដើម្បីបង្កើតជាវគ្គបណ្តុះបណ្តាលអាជីវកម្មដោយឥតគិតថ្លៃ ដើម្បីគាំទ្រទៅដល់គម្រោងអាជីវកម្មចំនួន 100 នៅទូទាំងប្រទេសកម្ពុជា វៀតណាម និងឡាវ។

គោលដៅនៃកម្មវិធីនេះគឺដើម្បីជួយទៅដល់គម្រោងអាជីវកម្មក្នុងស្រុកដើម្បីធ្វើការភ្ជាប់ទំនាក់ទំនង បង្កើតជារចនាសម្ព័ន្ធ និងពង្រីកអាជីវកម្មរបស់ពួកគេ ដើម្បីអាចរួមចំណែកដល់សេដ្ឋកិច្ចក្នុងស្រុក និងការការពារព្រៃឈើ។

យើងកំពុងស្វែងរកអ្នកជំនាញដែលមានបទពិសោធន៍ដូចអ្នក ដើម្បីជួយពួកយើងក្នុងការបង្កើតផលប៉ះពាល់វិជ្ជមានយ៉ាងសំខាន់តាមរយៈការចែករំលែកចំណេះដឹងរបស់អ្នកជាមួយសហគ្រិននៅក្នុងប្រទេសកម្ពុជា។ ប្រសិនបើអ្នកកំពុងស្វែងរកបទពិសោធន៍ធ្វើការស្ម័គ្រចិត្ត កម្មវិធីនេះគឺពិតជាសមសម្រាប់អ្នកខ្លាំងណាស់!