IDEA Հայաստան հավելվածը մեկնարկում է չորսամսյա ինկուբացիոն ծրագիր, որը ՔՈՎԻԴ-19-ից տուժած հայ կանանց հնարավորություն է ընձեռում իրագործել իրենց բիզնես գաղափարները։ Ստացե՛ք անհրաժեշտ մենթորություն և գործիքներ, որպեսզի Ձեր բիզնես գաղափարը դարձնեք եկամուտ ստեղծելու աղբյուր։
80 երկրից ավելի քան 2000 ձեռներեցներ մասնակցել են այս ծրագրին։
Դուք կունենաք կցված մասնագետ, ով անհատապես կուղղորդի, որպեսզի Ձեր նախագիծը զարգանա ճիշտ ուղղությամբ։
Դարձեք համաշխարհային աջակցության համայնքի մաս՝ հնարավորություն ստանալով օգտվել համընդհանուր ռեսուրսներից և համատեղ հաղթահարել մարտահրավերները։
Ոգեշնչված Մասաչուսեթսի տեխնոլոգիական ինստիտուտի (ՄՏԻ) կարգապահ ձեռներեցություն ծրագրից՝ մեր հարթակն առաջարկում է «սովորել՝ անելով» մոտեցումը, որի օգնությամբ Դուք կկարողանաք ստեղծել լիավարտ բիզնես պլան։
Մեր առցանց հարթակում կարող եք աշխատել ցանկացած վայրից, ցանկացած պահի՝ առանց խոչընդոտների, սահմանափակումների կամ արդարացումների, պարզապես անհրաժեշտ է ունենալ ինտերնետ կապ։
Մասնկացության հնարավորություն բացառիկ միջոցառումների, ինչպես նաև՝ ավելի քան 30 հազար եվրոյին համարժեք զեղչեր HubSpot, Amazon WS, Google Suite, MailJet, IBM հարթակներում…
Սեպտեմբերի 24, ուրբաթ, 2021
Սկսեք չորսամսյա ինկուբացիոն շրջանը, որպեսզի շարունակեք Ձ մշակել Ձեր սթարթափը։
Ծրագիրն առաջարկում է խաղի տեսքով քայլ-առ-քայլ փորձառություն, որի օգնությամբ ձեռներեցները ստեղծում են իրենց բիզնես պլանները և վավերացնում դրանց մոդելները։ Ուսուցման այս գործնական մեթոդը խթանում է գաղափարների կազմավորմանը և խրթին հարցերի պատասխանները գտնելուն։
Այս մոտեցումը խրախուսում է լինել ավելի բաց, շփվել մարդկանց հետ, կատարել ուսումնասիրություններ ու վավերացնել Ձեր գաղափարները։ Ձեր մենթորը ամեն շաբաթ կլինի Ձեր կողքին՝ բարդ նախաձեռնություններում աջակցելու և նոր տեսակետներ առաջարկելու համար։
Դուք պետք է կարողանաք օգտվել նոթբուքից կամ համակարգչից (բայց ոչ՝ պլանշետ կամ սմարթ հեռախոս) և գործարկեք հետևյալ բրաուզերներից որևէ մեկը՝ Google Chrome, Safari, Firefox։ Անհրաժեշտ կլինի մշտապես ունենալ ուժեղ և կայուն կապով ինտերնետ՝ թե՛ հարթակում Ձեր առցանց աշխատանքի, թե՛ մենթորների հետ տեսազանգերի մասնակցելու համար։
Երբ Դուք ընտրվում եք ծրագրին մասնակցելու համար, անցնում եք «համապատասխանեցման» փուլ, որը 10-ից 15 օր տևող գործընթաց է՝ Ձեզ ամենահամապատասխան մենթորը գտնելու համար։ Համապատասխանեցման ընթացքում Ձեր ծրագրի մասին հիմնական տեղեկությունը հասանելի կլինի մեր մենթորների համայնքին, և նրանք Ձեզ կհրավիրեն նախնական հանդիպումների, որպեսզի ծանոթանաք։ Դուք կարող եք մասնակցել այնքան հանդիպումների, որքան ցանկանաք, բայց, ի վերջո, պետք է ընտրեք նախընտրած մենթորին։
Համապատասխանեցման գործընթացում Դուք՝ որպես ձեռներեց, պետք է ակտիվ մասնակից լինեք՝ պատասխանելով մենթորների հրավերներին և մինչև նշված վերջնաժամկետը տեղյակ պահեք մեզ հանդիպումների ընթացքի մասին։ Բոլոր ընտրված ձեռներեցներին մենք ուղարկում ենք համապատասխանեցման գործընթացի կարևոր ամսաթվերն ու վերջնաժամկետները, որոնց պետք է հետևել։ Ձեռներեցի կողմից հետադարձ կապի շարունակական բացակայությունը կընկալվի որպես նրա կողմից ծրագրի նկատմամբ հետաքրքրության բացակայություն, և հնարավոր է, որ նա դուրս մնա ծրագրից։
Չգտա՞ք Ձեր հարցի պատասխանն այստեղ
UNIDO և Bridge for Billions ©2021 Գաղտնիության քաղաքականություն (անգլերեն) | Պայմաններ (անգլերեն)
